- 繁體中文
- English
義工參與
Only Available in Chinese
義工參與
疫情之下，青年會義工運動熱情卻不減，本會疫情之下推動YM Volunteer@Home，鼓勵青少年、家長、大眾停課不停「義」，在家中仍依舊發揮所長，透過不同形式參與義工活動，為社區帶來正能量。
【YM Volunteer】
今年初疫症突然來襲，學生停課，只可以全日留喺屋企，父母同仔女之間磨擦增加。吳女士亦遇到同樣問題，好彩有義工哥哥姐姐幫手，喺網上教佢一對仔女做功課，大大減輕吳女士嘅壓力。
2020-11-15
【YM Volunteer】
相信大家都好想去旅行，YM Volunteer嘅大學生義工Jelly就搞線上旅行團，同小學生分享之前去外國交流時嘅體驗，令小朋友足不出戶都能增廣見聞。
2020-11-06
【YM Volunteer】
今年我哋邀請到著名唱片騎師鄭子誠先生為YM Volunteer 頒章禮擔任嘉賓，佢除咗用動人嘅聲音為短片旁白外，仲分享咗佢對如何保持做義工嘅熱誠、點解覺得做義工感覺係好「正」嘅一啲睇法。
2020-11-05
【YM Volunteer】
你仲記得今年初買唔到口罩、搓手液嗰種徬徨嗎？YM Volunteer嘅大學生義工吳凱菱就非常機動，立即同其他義工成員自製搓手液送俾會友同有需要嘅人士。
2020-10-22
【自家種葱】
留家抗疫，好多人都變成家居廚神，美味菜式加啲青綠葱花點綴，就更錦上添花。來自顯徑會所 嘅義工，就教大家自家種葱，farm to table話咁易啦。同一個葱頭仲可以循環翻種2至3次，慳錢又方便。
2020-9-23
【Instagram Live教你Beatbox】
YM Volunteer@Home環節又返嚟啦！我哋嘅義工繼續發揮所長，為留家抗疫嘅你提供不同服務。第一炮係義工導師開live教你Beatbox。咩係Beatbox？就係利用嘴巴模仿具強勁節拍嘅敲擊樂聲音，睇埋短片就會更清楚。
2020-8-17
【「DIY乾花伸縮扣」工作坊】
新型冠狀病毒肺炎疫情肆虐香港接近半年，感恩香港醫護人員走在最前線默默守護港人。為感謝前線醫護無私奉獻，本會YM Volunteer現正招募新義工，透過手作「乾花伸縮扣」回饋醫護人員，為她們送上祝福。
2020-5-30
【疫境同行愛心湯 彩花彩椒燴魚柳】
YMCA柴灣長者鄰舍中心嘅青頤社區飯堂義工小組，以長者嘅身份服務區內長者，表現出色，喺青年會內外均曾獲獎。疫情期間，長者義工仍繼續用自己嘅專長服務，拍片教大家煮營養餐，今日就教大家煮一餸一湯。
2020-5-21
【強肺湯水】
為提高大家嘅免疫力，石硤尾會所嘅義工小組「親子義工聯盟」組員美兒姨姨就為大家介紹一款防炎強肺湯水。她仲鼓勵大家為堅守在家／崗位嘅人送上「打氣湯」，例如鄰家嘅公公／婆婆、屋企樓下謹守崗位既保安叔叔／姨姨，為大家送上關懷及溫暖。
2020-4-28
【童你Zoom】
面對嚴峻疫情，大家留在家中共同抗疫，但你信唔信即使足不出戶，眼晴都可以環遊世界，而且仲有聲音導航同互動環節？！ 機會嚟啦！ 本會大學及學院青年會部一班大學生義工將會透過視像會議程式Zoom，同一班小學生透過在海外交流時所影嘅靚相、短片，講解當地的飲食文化、地理、歷史、社會狀況等，仲可能會即場表演、或者製作小食，最後當然唔少得互動發問時間啦！
2020-4-14
【積木劇場】
大家都話停課不停學，但對於某啲家長同小朋友，實在係說易行難，本會 #康怡會所 家長徐太話，佢就讀初小嘅小朋友只鍾意睇電視、上網、玩積木。佢就想到鼓勵小朋友用積木創作故事，一來發揮創意，二來訓練她寫作。
首先，徐太讓小朋友拎住自己選擇嘅角色人物，做出想表達嘅內容，然後用文字把內容記錄低，最後就由小朋友用電腦齊齊整整將故事用電腦打出來，同時訓練打字。徐太仲建議，可以利用小朋友喜歡嘅插圖或故事，自行製作小圖書，增加閱讀興趣。透過創作過程，能達到愉快學習及增強親子關係。
2020-3-26
【親子布甸燒】
疫情期間，要盡量避免外出，又唔敢出街食飯，但即使喺屋企都可以食得開心食得好。想喺屋企都有去咗北海道嘅感覺，一於跟親子義工Hoiki同囡囡Bel Bel學整札幌名物布甸燒。第二個胃準備好未？
2020-3-5
【招募義工點子】
教育局宣布停課日子延至4月中，喺屋企有咩好做呀？跟住YM Volunteer@Home 做義工啦！
咩話？喺屋企都可以做義工？冇錯！只要將你嘅抗疫idea變成影片、相片、文字、圖畫，你就可以喺屋企，以義工嘅身份為大眾抗疫打打氣，又或者分享在家親子活動、身心靈健康活動等，透過YMCA各個平台，將你嘅愛心傳送到社區。
2020-3-3
Chinese YMCA of Hong Kong © 2024