- 繁體中文
- English
健體運動
Only Available in Chinese
健體運動
運動是強身健體的不二法門，本會各個康體會所於疫症期間，以影片及圖解等方式，教授可於家中進行的健體運動，讓大眾足不出戶，亦能保持強健體魄。
【堅持鍛鍊】
我哋從來冇放棄足球！疫情期間，我哋YMCA健步足球嘅球員堅持在家練習！一齊睇吓佢哋用充滿創意嘅方式練波啦！你亦可以喺屋企，跟住我哋嘅敎練劉Sir做一套簡單嘅訓練。希望好快可以喺球場同大家再次見面！
2020-05-22
【電台節目】
YMCA物理治療師黃Sir早前接受 #商業電台 「一家大晒」節目訪問，同DJ主持Tristan 傾吓講吓，分享長者留家可做嘅運動及運動注意事項。大家記得收聽啦！
2020-04-30
【"CO-FIT" - 60 mins Online Workout】
疫情下想keep住fit？CO-FIT幫到你！我哋同Metropolitan YMCA Singapore 聯手出推呢個免費online workout活動，同大家一齊開Zoom做運動！快啲報名，一齊做HIIT、一齊玩、一齊笑，話唔定仲可以識到新朋友！
2020-04-29
【運動友善】
顧名思義就係推動做運動既計劃，YMCA積極鼓勵企業推動員工做運動，關懷員工身心靈健康。配合疫情需要，好多企業都靈活推行在家工作，員工少左出門，運動難免都少左。但YMCA堅信，要有好嘅身體，恆常運動係唔可以停架！所以，我地特別籌備左「Home Sport-Friendly Action」， 由公司做到屋企都Keep住運動。計劃會推薦適合係屋企做既運動，運動無界限；仲會推出首個homework challenge，將運動融入家務中。“Home Sport-Friendly Action”繼續撐住你！
2020-04-20
【在家工作- 運動3點3】
你有冇諗過係屋企都可以踢波做運動？在家工作坐定定，做到腰酸背痛，俾自己一個afternoon break，拎起個波搓返幾腳，跟住YMCA物理治療師黃Sir一齊舒展筋骨啦！
2020-04-17
【做2個鐘家務等於跑10km】
運動其實唔難，可能你每日都做緊，唔信？根據英國《每日郵報》報導，講到做2個鐘家務等於消耗600卡路里，即等於跑左10km！在家工作之餘，不妨幫手做家務，順便運動下啦！
2020-04-14
【齊運動 保健康 – 物理治療篇(2)】
成日用電腦手機，覺得腰背好痛？ 九龍會所物理治療師Daniel 教大家幾招強化腰背，等我地繼續keep moving，keep 住健康！每個動作保持30秒至1分鐘就可以！
2020-03-23
【齊運動 保健康 – 成人篇 (2)】
我哋今次提升動作難度，仲有唔同變化，等你做運動，愈做愈起勁。唔好講咁多啦，即該起身郁吓啦！Keep moving , stay healthy！
2020-03-16
【齊運動 保健康 – 物理治療篇】
Home Office 做嘢做到腰酸背痛？可能同長期坐喺度，保持同一姿勢有關，不如起身鬆一鬆啦！今次搵左九龍會所物理治療師Daniel 教你幾招，每個動作保持一分鐘就可以！等我地Home Office都繼續keep moving，keep住健康！
2020-03-12
【齊運動 保健康 – 成人篇】
運動唔洗落街嘅，係屋企都做到啦！今次想介紹下用水樽、櫈及身體重量，輕鬆鍛煉手臀肌肉。咁簡單，一齊試下啦! Keep moving , stay healthy!
2020-03-11
【保持運動 無懼疫情 - 成人篇】
之前同大家分享咗幾項運動，有冇跟住做呢？今日我哋再推介多幾個動作，等大家運動嗰陣可以多啲變化，留係屋企都繼續keep fit，keep 住健康！
2020-02-27
【長者健腦運動】
疫情持續，長者們少咗出街，除咗要保持身體健康，仲要保持腦力！ 柴灣長者鄰舍中心 嘅甘Sir會為大家示範三套醒神醒腦嘅健腦運動，今日先送上「簡易健腦五式」！
2020-02-24
【勤做運動】
除左戴口罩，保護自己免受病菌侵襲外，勤做運動提升體質都好緊要！運動有助增強身體免疫力，抵抗病菌，自然可以保持有效抗疫啦！一齊睇吓YMCA一級物理治療師黃Sir嘅講解啦！
2020-02-19
【齊運動 保健康】
日日留喺屋企，唔係訓就係食，好悶嘅，不如一齊動動body轉轉腰啦！每日抽少少時間，叫埋屋企人一齊Keep住運動，Keep住Fit。到 新界會所 fb專頁留低你嘅運動影片，仲有機會攞禮物，即刻行動啦！
2020-02-17
【齊運動 保健康 – 兒童篇】
小朋友︰呢排雖然唔駛番學，但又唔可以出街，好悶呀！ 媽媽︰得閒就溫下書、做下補充啦！日日係度打機、訓覺、日食夜食，你睇下你呀，愈黎愈肥啦！ 唔想咁樣，可以點樣？不如跟我地一齊喺屋企做運動啦！你睇下做運動既小朋友幾精力充沛，Come on & Join us！ 註︰運動需量力而為，有需要應諮詢家庭醫生意見。
2020-02-13
【齊運動 保健康 – 長者篇】
為咗防範疫情，各位老友記怕外出做晨運，多咗時間留係屋企，但都唔好偷懶喎！因為要增加免疫力，抵抗病菌，每日都保持運動係唔少得嘅！其實係屋企做運動都可以好多變化，今日就教大家點樣用一張櫈嚟做運動。依家就一齊跟住做啦！ 註︰運動需量力而為，有需要應諮詢家庭醫生意見。
2020-02-11
【健康無價】
新型肺炎疫情難以預計大家可能都少咗外出，亦減少咗做運動。其實，做運動可以幫助我哋增強身體嘅抵抗力，係好重要㗎。大家可以跟住我哋嘅康體教練，一齊喺屋企做運動，keep住健康體魄！
2020-01-28
Chinese YMCA of Hong Kong © 2024