- 繁體中文
- English
疫中學習
Only Available in Chinese
疫中學習
疫情或許影響我們的生活，但絕對阻礙不了我們學習！本會特意預備一系列「疫中學習」資訊，包括簡單網上教學、親子活動等。
【由危轉機 迎接挑戰】
學校逐步復課，但疫情依然難以預計。喺呢段時間，青年會書院為學生準備咗好多網上學習資源，盡力協助同學在家學習。一齊睇吓青年會書院中國語文科劉鎮東老師分享點樣利用各種網上學習平台及App，為學生提供全面嘅支援啦！
2020-09-29
【STEM】
睇尋寶電影，主角經常會遇到深淵或狹谷，佢哋會點着火把掟入深谷，估計谷底深度。呢招真係Work？一齊睇吓青年會書院科學科 #區紹聰博士 應用數學及物理知識拆解呢個謎團啦！
2020-09-14
【親子尋寶遊戲】
小朋友充滿好奇心，又多古靈精怪小主意，香港中華基督教青年會黃傳經學生發展中心今日同大家玩一個升級版嘅尋寶遊戲！從中訓練小朋友嘅觀察力、形狀顏色配對能力。透過比賽，仲可以讓小朋友正向面對輸贏同埋點樣調整心態添！
2020-09-09
【Learn at Home│重返校園系列】
新學年開始，YMCA新界會所準備咗兩個網上課程，讓初小學童重拾英語能力，以及學識管理自己嘅情緒，幫助學生盡快適應新學年嘅開始，快啲報名啦！
2020-09-07
【專注力小遊戲DIY】
小朋友有無窮精力，冇得去街放電，喺屋企又坐唔定? 香港中華基督教青年會黃傳經學生發展中心 今日教大家DIY好玩嘅專注力小遊戲！訓練小朋友專注力之餘，仲可以提升執行能力同埋練習小肌肉。花點心思微調遊戲玩法，仲可以將遊戲變得更有趣，拉近親子關係！
2020-09-02
【在家做實驗】
有無諗過，喺屋企用膠樽、油、水、維他命橙粉片以及你嘅手機，就可以DIY一盞熔岩燈﹖你仲可以試下加啲溝稀咗嘅茄汁，或者用淺藍色清潔劑代替水，製作你獨一無二嘅作品。想知點整，就等中華基督教青年會中學化學科何詠良老師教你啦！
2020-08-25
【自主學習】
俗語有云：「熟讀《唐詩三百首》，不會吟詩也會偷。」要學好中文，當然要博覽古今，不過疫情期間，無法面對面授課，學生唯有善用網上資源學習。 青年會書院中文科老師向大家推介由清華、北大等學府推出、全球首個中文大規模的線上課堂 - 学堂在线（xuetangX）。這個平台較多中國語文及文化課程，內容多元化，雖然程度較深，但線上學堂有字幕、語速亦都可以調教，上課時間彈性，能切合不同學習需要。
2020-08-25
【親子遊戲】
學齡前嘅小朋友因疫情關係，無得返學，連公園都無得去玩，父母就要諗下計，透過小遊戲剌激仔女有適齡發展。青年會黃傳經學生發展中心就設計咗一個適合3歲或以上小朋友嘅遊戲，大家一齊跟住玩啦！
2020-08-19
【 我係小小氣球師 】
相信大家都乖乖留在家抗疫， YMCA社企 YM Balloon 趁呢個機會教大家一啲基本扭氣球嘅小技巧，學識咗之後，再發揮你嘅創意，扭出唔同嘅氣球造型！立即去片！
2020-08-17
【親子手工】
抗疫期間，相信家長們為小朋友設計親子活動都絞盡腦汁。今次唔洗諗喇，中華基督教青年會上水幼稚園 設計咗一個環保小手工，仲由外籍老師講解製作過程，家長們可以同小朋友跟住做，仲可以學英文，享受在家親子樂。
2020-08-16
【第四個六年】
今日JUPAS放榜，各位家長有冇為仔女嘅升學前途而感到緊張呢？其實，完成DSE之後，同時亦代表仔女進入人生「第四個六年」，踏入成年階段。係為家長，我哋要點樣調節自己嘅角色及責任，以配合子女嘅自我成長呢？一齊睇吓YMCA知識管理及策劃科註冊社工李Sir嘅貼士啦！
2020-08-12
【難忘2020暑假】
WFH有苦自己知，又要做嘢，又要照顧仔女。但諗深一層，可以陪仔女一齊响屋企過暑假，其實都好難得呀！今次疫情，雖然為父母帶來好大壓力，但其實只要好好調整心態，就可以扭轉局面，一齊黎睇下YMCA學校社工部袁姑娘嘅講解啦﹗
2020-08-05
【伴讀好link介紹】
個個都知，學英文最好係多聽多講，但而家無得返學，又無得補習，咁點算好？推介大家睇一個由美國影視演員協會基金會創建嘅繪本網站，除左有「咬字」清晰嘅專業演員朗讀繪本，每條片有配樂及生動動畫，繪本程度更由幼稚園至小學讀者，最緊要，係免費架﹗
2020-07-28
【求樂球樂】
「恒生-YMCA快樂『球』學計劃」又嚟教大家扭氣球啦! 今次係同大家分享點樣製作可愛女仔造型氣球公仔，鼓勵大家一齊試吓，經過一連4輯嘅教學短片，希望大家能夠享受扭氣球帶來嘅樂趣!
2020-07-23
【求樂球樂】
「恒生-YMCA快樂『球』學計劃」嘅氣球導師Carry今日又出場喇，教大家製作可愛嘅海洋氣球公仔，有海星同埋八爪魚，整出來好靚架! 大家一齊試下，預祝挑戰成功！
2020-07-01
【為醫護加油】
本港疫情漸見穩定，實有賴醫護人員謹守崗位，為香港人服務。為答謝醫護人員，YM Volunteer喺6月舉辦咗18場工作坊，集合共125位義工嘅力量，用咗接近200小時親手以乾花製作1,050個伸縮扣送贈予醫管局轄下前線醫護人員，同時送上心意卡，為辛勞嘅醫護送上祝福。
2020-06-30
【同心抗疫 愛‧睦鄰如家人】
疫情之下，人與人之間嘅距離，係遠咗？還是近咗？YMCA喺疫情期間，堅持服務社群，集合一眾義工、同工嘅力量，於社區派發防疫物資，用愛心將大家凝聚起嚟，同心抗疫。一齊睇吓YMCA義工及少數族裔同工分享佢哋對抗疫工作嘅感受。疫情仲未完結，大家都要堅持，守望相助就係最好嘅抗疫方法！
2020-06-02
【營養師教你食出健康】
無論疫情如何，我哋都要注重健康飲食，提高抵抗力。小朋友留喺屋企，可能會食多咗零食，家長們就更加要花啲心思，準備營養均衡嘅餐單，幫助小朋友健康成長。想知點先食得開心又健康？一齊睇吓資深營養師林思為Sylvia Lam 嘅分享啦！
2020-05-21
【"WE Connect"直播第四擊】
「2020 DSE文憑試」接近尾聲，各位同學仔要撐住啊！佐敦會所、藍田會所及石硤尾會所會為你哋繼續打氣！三間YMCA會所都會派出神秘歌手一齊""WE Connect""直播，為大家作出鼓勵同祝福。
2020-05-21
【疫中有暖 愛‧分享】
經歷超過3個月，疫情似乎有所舒緩。撲口罩、清潔用品，漸漸變成生活日常。對於弱勢社群而言，購買防疫物資令佢哋嘅生活百上加斤。有見及此，YMCA自疫情之始就致力進行社區抗疫支援工作，收集善心企業及團體捐出嘅物資，再透過我哋嘅社區服務網絡，分發到弱勢社群手上，同心抗疫。 YMCA義工阿淳同Suki，喺疫情下不忘關愛弱勢，除咗捐出得來不易嘅口罩，更加協助我哋進行家訪，一齊睇吓佢哋嘅分享啦！
2020-05-19
【羅馬炮架】
呢排學校停課，小朋友留喺屋企，真係好悶啊！做咩好啊？！ 唔洗怕！今次我哋嘅義工小組 Mission Until Dawn 為大家帶嚟解悶親子活動！大家一齊嚟用羅馬炮架彈走疫情啦！
2020-05-06
【全球抗疫】
新型肺炎疫情持續，大家都盡量避免聚集，安坐家裏有咩好做？一齊黎睇吓由法國L'Inattendu管弦樂隊隔空合奏YMCA，在此艱難時期為留在家中嘅你打打氣！ 面對疫情，無分國界，讓香港與世界一同抗疫！YMCA與你同心抗疫，共渡時艱。
2020-05-02
【WE Connect直播】
「2020 DSE文憑試」將會喺今個星期五開考。 為咗可以與應屆考生喺呢場多變而不一樣嘅考試中互相鼓勵，今個星期五由YMCA「佐敦會所」、「藍田會所」及「石硤尾會所」發起""WE Connect""直播，3間會所派出不同神秘歌手出現，為應屆DSE考生鼓勵、祝福。
2020-04-22
【學習支援】
長期停課，家長都會擔心仔女追唔上學習進度。YMCA嘅佐敦會所及觀塘會所喺疫情期間就為基層家庭提供網上英語會話班及功課輔導班。家長岳女士話，囡囡參加咗網上英語會話班之後，講英心嘅信心大咗。YMCA喺疫情期間持續服務社區，與大家同心抗逆。
2020-04-20
【持續服務】
疫情持續，好多設施都唔開得，但我哋嘅服務從未停止。透過各種online app，我哋繼續同大家保持聯繫，例如fb live、視像小組活動，等各位可以安心留喺屋企，同我哋一齊玩吓、學吓、開心吓！
2020-04-17
【免費資源】
小朋友玩填色遊戲其實有好多好處，可以訓練小手肌、加強專注力、培養藝術感、激發創意。呢個網就有大量免費嘅填色圖畫俾大家下載，仲有好多其他小遊戲，例如連線圖、摺紙玩具等，想玩邊樣就print邊樣啦！
2020-04-16
【在家開眼界】
留喺屋企係抗疫好方法，但即使唔出街、去唔到旅行，其實都可以上網「周圍去」。如果你喜歡文化藝術，呢條link集合咗世界各地超過70個國家及地區1200間博物館美術館嘅展品圖片，仲有大量相關資訊，俾你安坐家中長知識。
2020-04-06
【兒童節快樂】
小朋友心目中最開心嘅兒童節係點嘅呢？ 收到好多玩具？去餐廳食大餐？去主題公園玩足一日？ 今年嘅兒童節，或者少咗慶祝嘅選擇，但只要爸爸媽媽仔仔女女，一家人開開心心、健健康康，就已經係最寶貴嘅祝福！祝各位小朋友，兒童節快樂﹗
2020-04-03
【眼睛想旅行】
全球疫情升溫，海、空客運幾乎停頓！不如眼睛去旅行先啦！梵帝崗博物館推出咗網上導覽，提供7個虛擬展館俾大家隨時欣賞藝術珍藏，當中更包括西斯汀聖堂（Sistine Chapel）﹗大家都知為咗保護藝術真跡，西斯汀聖堂係唔可以影相，所以今次真係一家大細安坐家中，跨越國家旅行！
2020-04-03
【全球同抗疫】
疫情之下，不論國界，同心抗疫。YMCA作為一個國際組織，各地YMCA都想盡方法，運用創意去服務社群。從今日起，從香港出發去不同地方心連心齊抗疫。 美國YMCA 嘅「Sarah音樂小教室」以''雨''為主題，用音樂學習和""雨""有關嘅事物。佢哋會不定期於Youtube上載不同主題短片，讓小朋友開心學英文。有免費native English teacher教英文，家長們唔好錯過啦！
2020-04-02
【積木創作故事】
大家都話停課不停學，但對於某啲家長同小朋友，實在係說易行難，本會康怡會所 家長徐太話，佢就讀初小嘅小朋友只鍾意睇電視、上網、玩積木。佢就想到鼓勵小朋友用積木創作故事，一來發揮創意，二來訓練她寫作。
2020-03-26
【積木創作故事】
大家都話停課不停學，但對於某啲家長同小朋友，實在係說易行難，本會 #康怡會所 家長徐太話，佢就讀初小嘅小朋友只鍾意睇電視、上網、玩積木。佢就想到鼓勵小朋友用積木創作故事，一來發揮創意，二來訓練她寫作。
2020-03-26
【親子溝通大忌】
YMCA黃傳經學生發展中心 早前同大家分享咗一啲有助親子溝通嘅小技巧，大家有冇活學活用呢？運用得宜確實可以提升親子關係，但相反，以下溝通方式則有機會帶嚟反效果…
2020-03-25
【親子溝通大忌】
黃傳經學生發展中心早前同大家分享咗一啲有助親子溝通嘅小技巧，大家有冇活學活用呢？運用得宜確實可以提升親子關係，但相反，以下溝通方式則有機會帶嚟反效果︰
- 連珠砲式問題 - 例：「呢個咩黎㗎？」「呢個點做呀？」「呢個英文點講？」
- 封閉式問題 - 例：「有無呀？」「要唔要？」「好唔好？」
- 命令式 - 例：「唔係咁玩㗎！」「你放上去啦！」「毛巾唔可以咁用！」
2020-03-25
【YM小教室】
停課可能又要延長？唔怕！@中華基督教青年會葵涌幼稚園 為小朋友準備咗一系列教學影片，由充滿愛心嘅老師們親自製作，令同學仔愉快學習。 喺疫情之下，小朋友更加要注意健康飲食，跟住健康飲食金字塔，食多啲有益有營養嘅食物。即刻去片，一邊學英文，一邊學習健康飲食啦！
2020-03-20
【三色芋圓】
自己動手做三色芋圓，好食又好玩！芋圓近年備受追捧，軟糯彈牙嘅口感風靡全港，原來煮法不難，喺屋企都可以整到美味嘅芋圓。今日小食神梓豪教大家煮色、香、味俱全嘅台式古祖風味甜品！
2020-03-13
【布甸燒】
疫情期間，要盡量避免外出，又唔敢出街食飯，但即使喺屋企都可以食得開心食得好。想喺屋企都有去咗北海道嘅感覺，一於跟親子義工Hoiki同囡囡Bel Bel學整札幌名物布甸燒。第二個胃準備好未？
2020-03-05
【關愛社區】
YMCA於疫情期間一直心繫社區，同大家齊心抗疫。感謝一眾企業伙伴、善心人士嘅支持及捐助，我哋成功收集到各種抗疫物資，包括：口罩、洗手液、食品等。早前，#柴灣會所 同工就走到區內屋邨，派發防疫福袋，將關愛傳遍社區。
2020-03-05
【招募義工點子】
教育局宣布停課日子延至4月中，喺屋企有咩好做呀？跟住YM Volunteer@Home 做義工啦！ 咩話？喺屋企都可以做義工？冇錯！只要將你嘅抗疫idea變成影片、相片、文字、圖畫，你就可以喺屋企，以義工嘅身份為大眾抗疫打打氣，又或者分享在家親子活動、身心靈健康活動等，透過YMCA各個平台，將你嘅愛心傳送到社區。
2020-03-03
【清潔家居】
停課期間，家長們都苦惱在家小孩如何打發時間？不妨叫仔女一起做家居清潔，可幫輕下自己之餘，又可以提升仔女嘅生活技能。全城呼籲要做好家居清潔，齊齊動起來清潔家居由""小""做起！
2020-02-22
【桌遊】
停課停到3月，仔女喺屋企可以做咩呢？一家人都少咗外出，變相多咗親子時間，不如一家人齊齊玩桌上遊戲啦！YMCA 天晴會所註冊社工Louis Sir同大家分享一家人玩桌遊嘅好處，仲有幾個簡單在家自製嘅桌。
2020-02-08
Chinese YMCA of Hong Kong © 2024